Plantun de Prouvènço

Pèr coumpara dos planto d'encò nostre

Rhynchostegium confertum & Grimmia orbicularis

Rhynchostegium confertum

Brachytheciaceae

Nom en français : Long-bec-ramassé.

Descripcioun :
Aquelo pichoto mousso pluroucarpo trachis en pichoto mato gaire estentudo verdo claro e esbrihanto sus li pèiro, roco, muraio e tambèn li vièii souco e la ligno pourido dins lis endré à l'oumbro e umide. Longo de 2 à 3 cm, aquesto mousso fai de ramificacioun irreguliero. Li fueio, pas pu longo que 1,5 mm toujour plano, denticulado (au microuscope) soun en lanço e pau à cha pau s'acabon emé uno pouncho.

Usanço :
Se pòu engana emé d'àutri mousso pluroucarpo dóu meme gènre e di gènre proche.

Port : Pluroucarpo
Taio : 2 à 3 cm
Fueio : 1,3 à 1,5 mm
Tipe bioulougico :
Cicle bioulougico : Planto renadivo

Gènre : Rhynchostegium
Famiho : Brachytheciaceae

Ordre : Hypnales

Coulour de la flour :
Petalo : 1 cm
Ø (o loungour) flour : Coumplet
Flourido : Ivèr

Sòu : Ca Si
Autour basso e auto : 10 à 1800 m
Aparado : Noun
Desèmbre à mars

Liò : Pèiro - Roco - Muraio - Souco
Estànci : Mesoumediterran à Mountagnard
Couroulougi : Mieterrano e Oulartico
Ref. sc. : Rhynchostegium confertum (Dicks.) Schimp., 1852 (= Eurhynchium confertum (Dicks.) Milde, 1869 = Hypnum confertum Dicks., 1801 )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.